НЭТЫХЪУАЕХЭР ЗЭРЭКОЩЫГЪЭХЭР
История возрождения аула на Черноморском побережье
Сто лет назад 18 семей вернулись на родную землю, чтобы возродить имя предков.
Хы ШIуцIэ Iушъом нэтыхъуаехэр къызикощыкIыжьыгъэхэр 2024-рэ илъэсым ижъоныгъокIэ мазэ илъэси 100 хъущт. Нэтыхъуаехэр хы ШIуцIэ Iушъом щыпсэущтыгъэх, адыгэ лъэпкъ 12-у къалъытэрэмэ зэу ащыщых. ЗэлъашIэрэ тарихълэжьмэ макIэп ахэм афэгъэхьыгъэу атхыгъэр. Ау щыIэх нэтыхъое чIыгум къыщыхъугъэхэу, ахэр къызэрэкощыжьыгъэхэм пылъ къэбарым дэгъоу щыгъуазэхэр. Ахэр Меркицкэ Ибрахьимрэ Натхъо Къадыррэ. Джыри заом ыпэкIэ Ибрахьимэ хэбзэухъумэкIо къулыкъухэм ахэтынэу комсомолым ыгъэкIогъагъ. Тэхъутэмыкъое районым ипрокурорэу, дзэ прокуратурэм иследователэу, контрразведкэу «Смершым» иотдел иследователэу Iоф ышIагъ. Ар щэIэфэ ихэгъэгу цIыкIу щыхъурэ-щышIэрэр зэкIэ ытхыгъ. Пенсием зэкIожьым, материалэу ыугъоигъэм дэлэжьэжьыгъ, тхылъэу «Мой аул Суворово-Черкесский» зыфиIорэр къыдигъэкIыгъ.
«Зы тхылъ горэм итыгъэ гущыIэхэу сызэджагъэхэр сщыгъупшэхэрэп: «ЦIыфым ицIыкIугъом къыщегъэжьагъэу пэблагъэр ыкIи ыгъэлъапIэрэр чIыпIэу къызщыхъугъэр, апэрэ лъэбэкъухэр зыщидзыгъэхэр ары». СэркIи сичIыгогъухэмкIи ащ фэдэ чIыпIэу тиIэр тигупсэу Нэтыхъуай.
«…Хыгъэхъунэныкъом, Витязевскэ хытIуалэм атеIэтыкIыгъэ поселкэу Суворово-Черкесскэм, Анапэ ирайонэу совхозэу Лениным ыцIэ зыхьырэм иотделениехэм ащыщ игупчэу щытыгъэм ижъыкIэ зэреджэщтыгъэхэр къуаджэу Хьатрамтыку» — джары тхылъыр къызэрэригъажьэрэр.
Я XVII-рэ лIэшIэгъум мы чIыгухэр зыIэ илъыгъэр лъэкъоцIэжъэу ХьатрамкIэ заджэщтыгъэхэу, Гъуагъо лIакъор ары. Ахэр нэужым нэтыхъое лъэпкъышхом щыщ хъужьыгъэх. Джары поселкэм апэ ащ фэдэ цIэ зыкIыфаусыгъагъэр — Суворово-Черкесскэ — Хьатрамтыку. Хьатрамыр — цIэ, тыкур — гъэхъунэ. Джырэ нэс ар цIыфмэ къахэнэжьыгъ, гущыIэм пае, бэрэ амылъэгъугъэм еупчIых: «Сыд, Хьатрамтыку ущыIагъа, сыд щыкъэбар?».
Хы Iушъом щыпсэущтыгъэ нэтыхъуаемэ къыныбэ алъэгъугъ, чIыпIэу къыхахыгъэм илъэсишъэрэ кIогъэ Кавказ заор щапэкIэкIыгъ, ащ къыхэкIэу эгорэм бэ дэдэ хъущтыгъэ лъэпкъым зы чылэ цIыкIу ныIэп къыхэкIыжьыгъэр. Ащ ыуж Апэрэ дунэе заор къежьагъ, ащ Октябрьскэ революциер къыкIэлъыкIуагъ. Арэу щыт зэпытыныя, 1922-рэ илъэсым къэбар гушIуагъор ахэм къалъыIэсыгъ, Черкесскэ (Адыгэ) автоном хэкур зэхащагъ, ащ адыгэ лъэпкъым рэхьатныгъэ щигъотыжьыгъ.
Возвращение и новая жизнь
… Нэтыхъуаехэр — къуаджэу Суворово-Черкесскэм щыщхэр хэку гупчэм зэрэпэчыжьэхэм яягъэ къякIыщтыгъ. Ащ фэшI 1924-рэ илъэсым Абрэ Ахьмэд, Бек Мыхьамэт, ХьарэтIэ Сейн, Хъущт Шъалихь, Хъунэ Махьмуд, Меркицкэ Амин ыкIи нэмыкIхэр, зэкIэмкIи унэгъо 18, Адыгэ автоном хэкум къэкощыжьынхэу унашъо ашIыгъ. ЯлъэIу Адыгэ хэку гъэцэкIэкIо комитетымрэ краим и Темыр-Кавказ гъэцэкIэкIо комитетрэ арахьылIагъ. ЦIыфмэ ялъэIу къадырагъэштагъ ыкIи Тэхъутэмыкъое районым къащаратыгъ, мэзыри дыхэтэу, чIыгу гектар 500. Фаехэр ащ кIожьыгъэх, унагъомэ арыс нэбгырэ пэпчъ чIыгу гектарищ къафыхагъэкIыгъ. ЗэкIэмэ анахь гъэшIэгъоныгъэр мыщ узашъомэ хъущт псы къабзэр зэрэщыбагъэр ары, Хьатрамтыку псымкIэ гумэкIыгъо щыхэтыгъэх.
Лъэпкъым ыцIэ къагъэнэжьыным пае къуаджэм Нэтыхъуай фаусыгъ. Кощыжьыгъагъэмэ ащыщэу Хьагъур Иляс ыгу къэкIыжьы: «Нэтыхъуае а лъэхъаным орыжъ зэкIагъ. Анапэ къикIыжьыгъэхэм ащыщыбэ сымаджэ хъущтыгъ, лIэныгъэр лъэшэу къахэхьэгъагъ. Нэтыхъуае пэмычыжьэу щысыгъэ къутырхэу Калужскэм, Дмитриевскэм ащыпсэухэрри агъэкощыжьыщтыгъэх, ахэр Волгэ, Урал лъэныкъом ащэщтыгъэх. Унэжъэу бэ къагъэнэгъагъэр, ахэр зэхэтхыжьыщтыгъэх, пхъэу къахэкIыгъэмкIэ тэ унэхэр зыфэтшIыжьыщтыгъ. А лъэхъаным чIыпIакIэм зыхэзыгъэгъуазэхэрэмкIэ сыд фэдэрэ IэпыIэгъуи осэнчъэу щытыгъ».
IэпыIэгъу къафэхъущтыгъэх къуаджэхэу Щынджые, Тэхъутэмыкъуае ащыщхэр: зыхэм унэм щагъэпсэолъэрэ Iэдэ-уадэхэр къахьыщтыгъ, зыхэм мэкъу къащэщтыгъ, былымхэри къаратыщтыгъ. ЧIыгу Iахьэу Нэтыхъое къуаджэм пае къатыгъэр генерал-помещикэу Кухаренкэм иунаеу зэгорэм щытыгъ. Хъызмэтыр зэхэтхэу зэдагъэцэкIэным пае мэкъумэщышIэхэр зэгуахьэщтыгъэх. 1926-рэ илъэсым ККОВ-кIэ зэджагъэхэр (мэкъумэщышIэ зэдеIэжь обществэм икомитет) зэхащэгъагъ. Къуаджэм мэкъумэщ техникэр зэригъэгъотыгъагъ. Комитетым апэрэ тхьаматэу фашIыгъагъэр Меркицкэ Амин (Ибрахьимэ ят) ары. 1929-рэ илъэсым зэгъунэгъу зэфыщытыкIэ дэгъу Отраднэм щыпсэурэ комсомолхэм адашIыгъагъ.
Комсомол и школа
«Ахэм зэIукIэгъоу адэтшIыхэрэм яфэмэ-бжьымэ сэри къыстехьагъ, комсомолым сыхэхьанэу пытэу тесыубытагъ. Сяти сянэжъи къыздырагъэштагъ. Джаущтэу 1926-рэ илъэсым ишышъхьэIу мазэ комсомолым сыхэхьагъ. Сэщ фэдэу нэужым псэугъэх Хъунэ Шыхьам, ЛIыбзыу Мурат, Хъущт Махьмуд ыкIи нэмыкIхэр. Ащ къыкIэлъыкIоу комсомол организацие тикъуаджэ щызэхэтщагъ, ащ исекретарэу хъугъэр советскэ партийнэ еджапIэм истудентэу Хъунэ Азэматчэрый. А лъэхъаным ар Москва щеджэщтыгъ, каникулым къуаджэм къэкIогъагъ. Ащ игъусэу къыддэлажьэщтыгъэмэ ащыщ Адыгэ кIэлэегъэджэ техникумым истуденткэу щытыгъэ Натхъо Долэтхъан.
Комсомольцэмэ япчъагъэ хахъощтыгъ. ЕджапIэм икъызэIухынкIэ упчIэ къэуцугъ. Хэку комитетымрэ район пащэхэмрэ тилъэIу зятэхьылIэм, къыддырагъэштагъ ыкIи 1926-рэ илъэсым ибжыхьэ еджапIэм ипчъэхэр нэтыхъое кIэлэцIыкIумэ къафызэIуихыгъэх. УрысыбзэмкIэ кIэлэегъаджэу Циасинская Юлия Станислав ыпхъумрэ адыгабзэмкIэ кIэлэегъаджэу Лъэцэрыкъо Хьамедэрэ ахэм къапэгъокIыгъэх.
ЧIыгум дэлэжьэгъэнымкIэ апэрэ товариществэр къуаджэм щызэхащэгъагъ. Колхозэу «Красный май» зыфиIорэм ар лъапсэ фэхъугъагъ. Апэрэ тхьаматэу ащ фашIыгъагъэр лэжьыгъэ бэгъуагъэ ренэу къэзыхьыжьыщтыгъэ Хъущт Шъалихь ары. 1931-рэ илъэсым унэгъо 18-мэ къахэхъуагъ, къуаджэу Суворово-Черкесскэм къыдэнэгъагъэхэри къэкощыжьыгъэх. Хъызмэтым хахъощтыгъ, техникэри зэрагъэгъотыщтыгъ, ар зыгъэIорышIэщтхэри рагъаджэщтыгъэх. 1933-рэ илъэсым апэрэ трактористэу хъугъэр Ацумыжъ Хьаджумар.
Хьаджумарэ щысэ бэмэ афэхъугъ, пшъэшъэжъыехэми а сэнэхьатыр къыхахэу аублэгъагъ, апэрэ трактористхэм ащыщыгъэх Къызыкъ Фатэрэ Емзэгъ Зулэрэ. Ау щыIэкIэ шIагъоу зэтеуцощтыгъэр заоу фашистмэ къыташIылIэгъагъэм ыукъуагъ. Хэгъэгу зэошхом иапэрэ мафэхэм къащегъэжьагъэу къуаджхэм ыкIи къутырхэм ащыщыбэ фронтым кIуагъэ. Райкомым зэхэсыгъор зыщырекIокIым ыуж сэри къуаджэм сыкIуагъ, къызэрэчIэкIыгъэмкIэ, партийнэ, комсомольскэ организациехэм ыкIи колхозым иправление мобилизацие Iофхэр зэхищэгъэхагъэх. Сикъоджэгъу нэбгырэ 70-рэ хэгъэгур къагъэгъунэнэу дэкIыгъэх. Миллион пчъагъэу ти Хэгъэгу къэзыгъэгъунагъэмэ нэтыхъуаехэри ащыщых…»
Авторы: АкIэгъу Разыет, Хьахъурэтэ Светлана
ВОЗВРАЩЕНИЕ НЭТЫХЪУАЕ
История возрождения аула на Черноморском побережье
💬 Сто лет назад 18 семей вернулись на родную землю, чтобы возродить имя предков.
В июне 2024 года исполняется 100 лет со дня возвращения нэтыхъуае на Черноморское побережье. Нэтыхъуае — один из 12 адыгских субэтносов, чья история тесно связана с этим краем. Подробные сведения об этом событии сохранились в трудах известных историков Меркицкого Ибрахима и Натхо Кадыра. До революции Ибрахим служил в правоохранительных органах, был прокурором Тахтамукайского района, следователем военной прокуратуры и контрразведки «Смерш». На пенсии он обработал собранные материалы и выпустил книгу «Мой аул Суворово-Черкесский», где подробно описано возвращение нэтыхъуае в родной район.
«Человек с детства помнит и чтит то место, где родился, где сделал первые шаги. Для меня и моих земляков таким местом является наша душа — Нэтыхъуай».
— Из книги М. Ибрахима
Путь домой через века
Поселок Суворово-Черкесский (ранее Хьатрамтыку) расположен у Витязевского лимана. В XVII веке эти земли принадлежали роду Гъуагъо, который позже вошел в состав нэтыхъуае. Название Хьатрамтыку состоит из имени Хьатрам и слова «тыку» (лиман). После Кавказской войны, Первой мировой и Октябрьской революции, в 1922 году была образована Черкесская (Адыгейская) автономная область, что дало надежду на возвращение. В 1924 году 18 семей (Абре Ахмед, Бек Мухамед, Харете Сейн, Хущт Шалих, Хуне Махмуд, Меркицкий Амин и др.) приняли решение вернуться в Адыгейскую автономную область. Их просьба была удовлетворена, и им выделили 500 гектаров земли с лесом в Тахтамукайском районе. Самым радостным для переселенцев стало наличие чистой воды, чего так не хватало в Хьатрамтыку. Аулу вернули историческое имя — Нэтыхъуай.
Возрождение и комсомол
Вернувшиеся семьи столкнулись с трудностями: многие болели малярией, смертность была высокой. Однако помощь оказывали жители соседних аулов Щенджий и Тахтамукай, привозившие инструменты, сено и скот. Земля, выделенная нэтыхъуае, ранее принадлежала генералу Кухаренко. Для совместной работы создавались товарищества, а в 1926 году был организован комитет крестьянского взаимопомощи (ККОВ). Его первым председателем стал Меркицкий Амин (отец Ибрахима). В том же году была открыта школа для детей нэтыхъуае, где преподавали Юлия Станиславовна Циасинская (русский язык) и Лецерыко Хамед (адыгский язык). В 1926 году в ауле возникла комсомольская организация, секретарем которой стал студент Хуне Азаматчерий. Первым трактористом в 1933 году стал Ацумыж Хаджумар, ставший примером для многих, включая первых женщин-трактористок Кызык Фатиме и Емзег Зуле. К сожалению, мирная жизнь была прервана Великой Отечественной войной, унесшей жизни 70 жителей аула.
Авторы: АкIэгъу Разыет, Хьахъурэтэ Светлана
ЧИТАЕМ
СМОТРИМ
