Адыгэ къуаджэхэм (къэнагъэхэм) ацIэхэр
Хьарыфылъэм тетэу къэттыщтых. Список сохранившихся черкесских аулов с географическим описанием.
Агуй
Хы ШIуцIэ Iушъом Iус чылагъу. ТIопсэ районым хэхьэ.
Адэмый
Шъхьэгуащэрэ Щыкъ псыIыгъыпIэм инэпкърэ аIус, Красногвардейскэ районым ит.
Аскъэлай
Псыхъоу Мартэ Iус, Теуцожь районым хэхьэ.
Афыпсып
Псыхъоу Афыпс Пшызэ зыщыхэлъэдэжьрэм дэжь щыс.
Бжыхьэкъоежъ
Пшызэ Iушъо исэмэгубгъу кIэрыс, Тэхъутэмыкъое районым щыщ.
БжыхьэкъоякI
Бжыхьэкъоежъым пэмычыжьэу щыс.
Бжъэдыгъухьабл
Шъхьэгощэ псыхъо иджабгъу нэпкъ Iус, Красногвардейскэ районым ит.
Джамбэчый
Лэбэ Iушъо исэмэгубгъу щыс. Красногвардейскэ районым къыхеубытэ.
Джыракъый
Фарзэ иджабгъу нэпкъ кIэрыс. Шэуджэн районым хэхьэ.
Джэджэхьабл
Псыхъоу Мартэ иджабгъу нэпкъ кIэрыс, Теуцожь районым щыщ.
Еджэркъуай
Лэбэ Iушъо исэмэгу нэпкъ Iус, Кощхьэблэ районым ит.
КодэшъхьапI
Хы ШIуцIэ Iушъом Iус шапсыгъэ чылэхэм ащыщ, ПсышIопэ район.
Козэт
Пшызэ Iушъо исэмэгу нэпкъ тес, Тэхъутэмыкъое районым щыщ.
Кощхьабл
Кощхьэблэ районым игупч, Лабэ исэмэгу нэпкъ тес.
Къанэкъохьабл
Пшызэ нэпкъ исэмэгу нэпкъ Iус, Успенскэ районым хэхьэ.
Къунчыкъохьабл
Пшызэ исэмэгу нэпкъ Iус, Теуцожь районым ит.
Къэбыхьабл
Фарзэ исэмэгубгъу кIэрыс, Шэуджэн районым хэхьэ.
Къэлэжъ
Хы ШIуцIэ Iушъом Iус шапсыгъэ чылагъохэм ащыщ.
Лэшэпсын
Блащэпсыни аIо. Щэхъураджэ иджабгъу нэпкъ Iус, Кощхьэблэ районым хэхьэ.
Лъэустэнхьабл
Пшызэ Iушъо исэмэгу нэпкъ тес, Теуцожь районым ит.
Мамхыгъ
Фарзэ исэмэгубгъу щыс, Шэуджэн районым щыщ.
Нэджыкъо
Хы ШIуцIэ Iушъом Iус шапсыгъэ къуаджэхэм ащыщ.
Нэтыхъуай
Тэхъутэмыкъое районым ит.
Нэшъукъуай
Псыхъоу Мартэ кIэрыс, Теуцожь районым хэхьэ.
Очэпщый
Псэкъупсэ иджабгъу нэпкъ тес, Теуцожь районым хэхьэ.
Пэнэжьыкъуай
Псыхъоу ПкIашъэ инэпкъ Iус, Теуцожь районым щыщ.
Псыбэ
Хы Iушъом Iус шапсыгъэ чылагъохэм ащыщ, псыхъоу Псыбэ кIэрыс, цIэри ащ къытекIыгъ.
Псэйтыку
Адыгэ Республикэм ит шапсыгъэ къуаджэхэм ащыщ, Тэхъутэмыкъое районым хэхьэ.
ПчыхьалIыкъуай
Къуаджэу Очэпщые ыпшъаIоу, Псэкъупсэ исэмэгубгъу Iус, Теуцожь районым щыщ.
Джыри къыкlэлъыкlощт...
ЧИТАЕМ
СМОТРИМ
Внимание! Если Вы в мобильной версии:
Нажмите меню браузера и выберите «Версия для ПК»
